*
Héy xafıl! Tı kami ra vana bao
Khalıké to kamo, sar nézonao
Ma baé to, saré kaméji cao
Tı vana, sar péro mıra cérao
Çı yéno ra veké sıma ver, vané
Sodır, sondır, mezal ho nédané
Rast u zur, çhımu qe péranénané
Dina de sıma ré ki dosti bımané
Heq u neq nézoné, ma no çı halo
Ollem fek ramekero, qırr u qalo
Kam feqir, béhal, békes u bédalo
Sıma qetıl kené, qese movalo
Qesey kerd, heqi ho viri néané
No çao, sıma sené musılmané
Vatena heqi ra cor, qese vané
Unca ki sar gunekar, sıma yané
Qa mordem uyo, qesa ho zonao
Her çiyé ho ki, helal ra binao
Ma çımde, ollem bıraé dinao
De hala bé, kam wayiré gunao
Nari ra névo, dori ra persino
Defteré ho dino, hosav vénino
Qul mezono, heqi hette zonino
A dina de, goré féli ca dino
