Ewro (13.12.2009) Estemol-Kadıkoy de "Mitingê Dêsımi" zaf rınd vêrd ra. Hawa serd biye, emma zaf mılet ameybi, keyfê mıleti rınd bi. Miting de "Roê Dêsımi" est bi. Kes menfaetê xoyê siyasi rê nêguriya, kam est bi kam çin bi herkes seba xovirardişê Dêsım 38i uca de bi.
Miting, dı zıwanan de bi; Tırki u Zazaki. Qeseykerdişi hem Zazaki hem ki Tırki biy.
Heto bin ra pila belediya Mamekiye Edibe Şahin u pilê FDG'y Yaşar Kaya'y ki zıwanê ma de qesey kerd. Zıwanê ma Zazaki Estemol de meydanê Kadıkoyi de gulbang da.
Gruba ma "Platformê Zazaki" miting de mesajê "Zonê xo Zazaki rê wayir vecime" da. Zaf kesi amey verê pankarta Platformê Zazaki de fotografi anti. Elaqa mıleti pankarta ma rê zaf biye. Çı esto ke ma xo de kamera nêberde fotografê xo nêanti.
Kılmek ra, emegê kami ke ni mitingi de vêrdo, Heq/Homa inan pêronan ra razi bo.
