*
Rasta heme keşi, qa rasta qomé hüya
Kerdena sari ki, coru rasta ma niya
Na qewxa çıqa ke ama, ma de véjiya
Qeda u bela, sari dest ra vırajiya
Taé, kerdenu sari ré, wayiréni kené
Hertım yé sari vané, yé dinu zonené
Çı beno, eve vatena dinu nusnena
Kewté ra sari, ma ré mezelu kınené
Raste, hata ve péyniye tari némanena
Çıqa ke raste vatene, maré zof gırana
Ho zonau çhım de raste rut u vırrana
Qewxa yé ma niya, rasta gonewerana
Xéré qewxa coru qomé ma ré nébeno
Sevev sar, dew u waru ro adır voreno
Qe vazé ke, nafaé dina xelesneno
Qomé ma teveru ra héşirie unceno
Merdu né, qa wesu haştiyie ramıta
Weso kami ke her gama ho pémıta
Cayilu qese u kerdena ho ronévita
Baqılu kemera uske bile horé dıta
Delala mı! Yé ma na sené isoniya
Çond géyimi vıréniye ro ma bıriya
Çı ve qomé ma biyo, dina hawur niya
Rasta ma, ma het ra qey coru nézoniya
Awa ke amé pi u khalıké ma vıréniye
Dina sero, zé yé ma keşi ré nébiye
Sari arde kerde werte tım dısmeniye
Yé ma ré, zolıméni u béşereféni viye
12.12.2009
Tı ke yé sari vana, péskıra desté dinuna
