3/03/2010

XIZMETA SARi RA iSONi BÊZAR KENÊ

*
Dı-hiré pelgu ki, maré zéde vénené
Qesuné sari ané, na pelgu ra oznené
Kılam, lawuk u sanıkuné dine wanené
Derd u halé ma névané, sari goynené



Qe bézar nébené, sari ané oznené
Çéréniya sari sero boyna nusnené
Hundé ke nusnené, mordemi bézar kené
Raste cıra vazé, zé domanu bervené



Sari ho ra tım cor, ho sari ra cér zoné
Beguné sari dorme de vızıke koné
Ma çıra wazené ke, baré vıli roné
Lao sıma ve na tore, se ravér soné



Derd u qedaé sari ré wayir véjiné
Derdé horé bené kemere, qe nélewiné
Sar ke béçhıke sıkneno ra cı, erjiné
Ni aqıl u ro ra ki, sari ra beştiné



Ni sanıkuné kalıkuné ho nézonené
Nuss u nuseruné qomé ho qe néwanené
Sar dine çhımde dévo, herroz goynené
Ma çıra klamuné ma ré wayir nébené



Şuara Torné Thuji çıra néhesnené
Zoné ho qesey nékené, nénusnené
Sunık u senata ma ra duri vındené
Çêwêsayêne ma sıma hora çı wazenê