*
Qesé ke vame, xılbené, bené ra rast
Hardi sero, kes néverdo, ma ra hast
Dısmen dine çımde rast, ma ki délmast
Heqo! çao to da, ma to ra çı wast
Kerdi ve mane, welat bınera tast
Péro rızna, qomé ma ke çı vırast
Zoné ma, zagoné ma coru néwast
Eve ho merdi, dısmeni kerdi hast
Derdé merdené, pesewa, perozo
Néverda xér, qe zıme, qe verozo
Heqo! yé nayine sené marazo
Ma ra néverday, çı çéna, çı lazo
Ma! ni çıra ma ré niya dısmené
Persé sari, ma de sare uncené
İnsoni niyé, meraxé merdené
Ve ho dısmené weşiye ramıtené
Yé eve xırava ho némanené
Ewro né, rozé belaé vénené
Ma ro sérnékené, çımu remnené
Çı ke cıra vame, qe néhesnené
Torné Thuji qomé ho ré berveno
Rehet verdé, keşi verver nébeno
Vano, qewxa ra kes xér névéneno
Hirısuheşt ra nat, qewxa néwazeno
Torné Thuji-11.06.2008
