Ho Viri Nêardi
Gege raa rozé ra, sılaiye kerdi
Qenderve domani gureté berdi
Mal u ga sare bırna, mosti ardi
Unca ki gırmık u paskuli péwerdi
Qesé ke, serva xızmete dai, merdi
Beg u ağleru çı vati, ağwe berdi
Qesé ke, qerar dauné ho kerdi
Qe viri néardi, rısveté ke werdi
Vira şi, é gost u mosté ke werdi
Kam şi teslim bi, é ki qırr kerdi
Dıxaskan u domané soeyi merdi
Taé domoné Désımi ki, téy berdi
Téy vi, iyé ke zoné ma zonéne
Téniya ke mendi, taé bervéne
Qetılkaru coka yé tım kuyéne
Va ke ardé ro cı, é ki kişténe
Cendegi tiji vera caverdayi
Vake, sıma ki xayin u eşqiyayi
Eve pere u rısveté ke dayi
Tertele ra é ki ranéxeleşayi
Pırnıkuné dine ra ki pernayi
Cıra va ke, ni qeraré enqerayi
Ju de ju sero, çapık vırajayi
Béveng u bévaji ki néxeleşayi
Ne domono, ne kokımo de khalo
Eşti ra dare, ne qeseo, ne qalo
Yé ma u dinu, ma no sené halo
Hewzere de niyo, qe cano, qe malo
Torné Thuji, 31.08.2007
***
qenderve : bile
é ki :….........: onlar de/da
Sılaiye : davet
Péro : hepsi, hepsini
dıxasgan : doman dina erdene
Dıxasgane : jü ya ke newe doman ardo riyé dina
purti : kumas :kumaş, manifatura
